Korleis søke kursstøtte
Kven kan søke?
Alle lokallag som er medlemmar av ein av våre medlemsorganisasjonar.
Studieforbundet kultur og tradisjon disponerer pengar til vaksenopplæring gjeve over statsbudsjettet.
Usikker på om du driv med kurs eller annan aktivitet?
Kvifor søke kursstøtte
Satsar
Kurs med lærar: 100,- kroner per time.
Timar utan lærar: 50,- kroner per time i tilskot.
Vaksenopplæringsmidlane blir gjevne for å dekke utgifter til kurset/opplæringa, og satsen gjeld per time per gruppe, uavhengig av gruppestorleik. Er utgiftene lågare enn maks tilskot, blir tilskotet justert.
Minstesum (for kurs utan dokumenterte utgifter); for kurs meir enn 10 timar 500,- kroner for kurs under 10 timar 50,- kroner per gjennomførte time.
Krav
Vaksenopplæringslova og forskriftene
For å få kurstilskot må kurset oppfylle krava i vaksenopplæringslova og forskriftene:
• Minimum 4 timar kurs.
• Minst 4 deltakarar med 75% frammøte. Før alle deltakarar på frammøtelista.
• Følg godkjent studieplan.
• Lys kurset ut offentleg.
• Deltakarane må vera over 14 år, eller fylle 14 år i kursåret.
• Eit kurs kan og arrangerast heildigitalt, altså med 100 % digitale timar.
Tips til gjennomføring av nettkurs
Ein kurstime er 60 min. 15 minutt av desse kan reknast som pause per time i løpet av total kurstid.
Søk støtte før kurset startar.
I informasjon som til dømes annonsar, program og materiell til kursdeltakarar skal det stå at kurset mottar støtte frå Studieforbundet kultur og tradisjon.
Regler for teaterkurs
Følgande reglar gjeld for teaterkurs:
- Maks 3 primærkurs på maks 200 timar kvar
- Maks 4 støttekurs på maks 30 timar kvar (Gjeld per produksjon.)
Ved store produksjonar har gjerne ein person fleire roller. Pass på at dei er deltakarar på berre eitt kurs på same tidspunkt.
Unntak i særlege tilfelle
-
Om det blir tre deltakarar, kan lærar «gjerast om» til deltakar. Tilskot blir gjeve etter reglane for kurs utan lærar.
-
Koronaårsakar: I 2020 og 2021 såg vi at det ofte vart færre kursdeltakarar enn opprinneleg påmeldt. Desse kursa har vi godkjent med mindre enn 4 deltakarar. Sett likevel opp alle opprinneleg påmeldte i deltakarlista (utan frammøte).
-
Andre årsakar til færre enn fire deltakarar; grunngjev det i kursrapporten, så vil det bli vurdert.
Studieforbundet kultur og tradisjon
Dei offentlege kursmidlane er under press. Hugs difor å gjere ordninga synleg ved å nemne at kurset får støtte gjennom Studieforbundet kultur og tradisjon ved annonsering.
Legg gjerne ved logoen vår i informasjon om kurset. Logo for Studieforbundet kultur og tradisjon finner du her.
Rapport
Fristen for å rapportere kurs er 3 månader etter sluttdatoen som er oppgjeve på søknaden. Kurs som ikkje er rapportert innan tre månader vil automatisk bli sletta. For kurs med slutt frå 15.oktober og ut året, er fristen 15. januar året etter. Eksempel: Kurs som er avslutta 15.juni må vera rapportert 15. september, men eit kurs som er avslutta 20. desember må rapporterast seinast 15. januar.
Rettleiing til rapportering finn du her
Vil du skrive ut rettleiing, finn du den i PDF-format her: Rapportrettleiing
Det vil vera lurt å sjå filmen over før du skriv ut dokumentet og set i gang.
Rutinar ved venteliste
1. Ordinær søknadsrunde blir stengd
Kurs som alt er godkjende:
-
Får ikkje tilskot for fleire timar enn det som opprinneleg vart søkt om. Fekk kurset godkjenning for 30 timar ved søknad, men det blir rapportert fleire timar, får det tilskot for dei 30 godkjende timane.
-
Timar utan lærar, eller ein kombinasjon av timar med og utan lærar, kan ikkje endrast til timar med lærar. Som eksempel: Er søknaden godkjend med 5 timar med lærar og 10 timar utan lærar, og det blir rapportert 10 timar med lærar og 5 timar utan lærar, mottar kurset likevel støtte for 5 timar med lærar og 10 timar utan lærar.
-
Manglar utgifter, blir det ikkje purra på dette, og tilskotet blir avkorta.
-
Kurs som får avkorta tilskot (for eksempel på grunn av for lite utgifter, eller timar utan lærar der det skulle vore timar med lærar), kan gjenopnast og leggast på venteliste. Om midlar blir fristilte, får dei etterbetalt restbeløp.
-
Kurs som ikkje blir rapporterte innan fristen, blir ikkje purra på når venteliste er innført. Kursa blir automatisk trekte etter rapporteringsfrist. Skal desse gjenopnast for rapportering, blir dei lagde på venteliste.
-
Som hovudregel blir ingen kurs gjenopna etter siste frist for rapportering, 15. januar.
2. Det blir opna ei ny søknadsrunde (venteliste)
Alle nye søknader blir godkjende med same frist som dei ville hatt som vanleg søknad, men Studieforbundet kan ikkje garantere kurstilskot.
-
Kursarrangør med kurs på venteliste får beskjed om dette via ei melding på kurset og eit vedtaksbrev som fortel om ventelisterutinar.
-
Kurs på venteliste blir rapporterte som normalt, men blir liggande i ventelista til alle kurs frå vanleg søknadsrunde er ferdigbehandla og vi ser om kursmidlar er fristilte.
-
Kursrapportar på venteliste ligg i prioritert rekkjefølgje etter dato dei kom inn.
-
Kurs på venteliste kan få lågare timetilskot. Dette blir vurdert ut frå kor stort beløp som er disponibelt til fordeling.
3. Det hendar at kurs blir rapporterte for tidleg, eller på feil rapportskjema.
Dette kan vera kurs som er søkt med avslutning i 2025, men som blir rapporterte som avslutta i 2024. Dersom eit kurs har blitt søkt med sluttdato til året etter oppstart, er det sett av vaksenopplæringstilskot til det i budsjettet for 2025. Blir kurset likevel avslutta i 2024, blir kurset lagt på venteliste.
Brukarrettleiing
Her finn du rettleiing til søknad av kurs i ny kursportal. Både korleis du opprettar ein brukar og loggar deg inn, og korleis du sendar inn søknad og rapporterer. (Filmane er under redigering, etter fleire endringar i Kursportalen. Noko kan difor sjå litt annleis ut i filmen)
Rettleiingsfilmar
Dokument i PDF for utskrift
Tilretteleggingstilskot
Dersom kurset har deltakarar som treng ekstra tilrettelegging for å kunne delta, er det mogleg å få tilretteleggingstilskot i tillegg til det ordinære kurstilskotet. Du kan søkje midlar til å dekkje, eller delvis dekkje, meirkostnadar ved kursa som fylgje av tilrettelagt undervisning. Bilag skal ligge ved rapporten. Er du i tvil, ta kontakt med kontoret.
Vi behandlar søknadane fortløpande, og gir tilskot så lengje det er pengar i potten.
Du kan søkje støtte til:
-
Ekstra kurslærar
-
Ekstra utstyr/materiell
-
Tilrettelagt kursstad
-
Tilrettelagt kursprogram og undervisningsmateriell
-
Ekstra eller tilrettelagt transport
-
Ekstra planlegging, utvikling og oppfølging
-
Ev anna som kan fjerne hindringar for deltaking
Rammer for tilskot
4 timar: inntil kr 5 000,-
5-9 timar: inntil kr 7 500,-
10-19 timar: inntil kr 10 000,-
20-39 timar: inntil kr 12 500,-
40-99 timar: inntil kr 15 000,-
100 timar: inntil kr 20 000,-
Kurset må vera godkjent, og godkjente bilag må ligge ved rapporten
Telefon: 61 21 77 50
eller e-post: post@kulturogtradisjon.no
Søknad:
Søknad om tilretteleggingstilskot gjer du i kursportalen
Organisert opplæring eller ordinær aktivitet?
Av og til er det vanskeleg å definere kva som er kurs og kva som er aktivitet og/eller dugnadsarbeid. Vi lærer av det meste vi driv med her i livet, og ikkje minst av arbeidet i ein frivillig organisasjon. Likevel er ikkje alt kurs med rett til tilskot i følge Voksenopplæringsloven.
Her er ei sjekkliste for lettare kunne vite kva som er kurs du kan søkje støtte til:
-
Har aktiviteten eit læringsmål?
-
Foregår målretta, organisert læring?
-
Er deltakarane samla fysisk eller digitalt og arbeider saman for å lære?
-
Får deltakarane kursbevis?
For å kunne få støtte som organisert opplæring/kurs må:
-
Laget kjenne til at dette er organisert opplæring,
-
kurslærar skal vite at han/ho er sett opp som kurslærar og at det blir søkt kurstilskot
-
kursdeltakarane må vite at dei er med på organisert opplæring og dei må vite kven som er arrangør
Kven er lærar?
I Studieforbundet skil vi mellom kurs med og utan lærar. Kurs med lærar får høgare timetilskot. Kurslærar er den som står for opplæringa og har det pedagogiske ansvaret for at deltakarane arbeider i tråd med læringsmåla i studieplanen. Det er ikkje krav om at kurslærar skal ha betalt. Det bestemmer kurslærar og arrangør.
Tilskot til motivasjonsarrangement
Studieforbundet kultur og tradisjon hadde i 2022 ei ordning med motivasjonstilskot, denne er ikkje lenger søkbar i 2023.
Det kunne søkjast til regionale- eller nasjonale motivasjonstiltak i medlemsorganisasjonane sine region- og sentralledd.
Kursnamnet måtte innehalde "Motivasjonssamling", og alle slike samlingar skulle følge Lov om voksenopplæring.
Det inneber minst 4 timar og minimum 4 deltakarar.
Motivasjonssamlinga kunne da motta både motivasjonstilskot og ordinært timetilskot. Digitale motivasjonssamlingar kan få inntil 3000,- i motivasjonstilskot. Fysiske motivasjonssamlingar kunne få inntil 20000,- i motivasjonstilskot.
Det var eit krav å fylle inn budsjetterte utgifter, tilsagnet vart gjeve på bakgrunn av dette.
Studieforbundet kultur og tradisjon
Vågåvegen 35
2680 Vågå