Bunadopplæringa
Bunadopplæringa er ei kursrekkje på seks modular som gjev ei brei innføring i praktisk bunadssaum og tilbehør, aukar den historiske kunnskapen om folkedraktene som bakgrunn for dagens bunadar og gjev kjennskap til materialar og teknikkar brukt til bunadproduksjon .
Ved å fullføre heile kursrekkja får du praktisk innføring i alle kompetansemåla i læreplanen for bunadtilverkarfaget vg3. Du syr ikkje ein komplett bunad. Opplæringa legg opp til ein del mengdetrening på eigehand som du må du sørgje for sjølv. Har du som mål å ta sveinebrev, kan du få individuell rettleiing mellom samlingane.
Bunadopplæringa er eit samarbeid mellom Noregs Ungdomslag, Norges Husflidslag, Norsk Folkedraktforum og Studieforbundet.
Har du spørsmål eller vil vise uforpliktande interesse?
Her finn du aktuelle kurs, ledige plassar og påmelding.
Meir informasjon
Modulane
Kursrekkene går anten over tre år med to samlingar i året, eller som ei intensiv kursrekke som går over halvanna år. Den følgjer same opplegg, men har fire samlingar per år.
Det er bindande påmelding, og påmeldingsfrist er seks veker før fyrste kursdag. Dersom det er ledige plassar, tek vi i mot påmelding fram til kursstart.
Praktisk om kurs
Modulane vekslar ulike kurslærarar og mellom Raulandsakademiet i Rauland og Norsk institutt for bunad og folkedrakt på Fagernes.
Heile løpet går over tre år med to modular i året på fem dagar kvar, vår og haust.
Ønskjer du å gjennomføre kursrekkja på stuttare tid, kan du melde deg på eit intensivt løp.
Kursrekkja rettar seg spesielt mot dei som ønskjer å ta sveinebrev i bunadtilverkarfaget, men er open også for dei som vil lære meir om faget. Kursrekkja bygger på kompetansemåla i læreplanen for bunadtilverkarfaget VG 3 opplæring i bedrift.
Praktisk informasjon om kursavvikling
Vegen til sveinebrev
Modulane i Bunadopplæringa er bygd opp kring kompetansemåla i læreplanen for bunadtilverkarfaget Vg3, og kan inngå som ein del av vegen til sveinebrev.
Bunadtilverkarfaget skal dekkje behovet samfunnet har for produksjon av bunader bygd på historiske folkedrakter, og behovet for bunader med ulikt historisk opphav.
Opplæringa skal medverke til praktisk produksjon av bunader med tilbehøyr. Opplæringa skal vidare medverke til utvikling av handverksferdigheiter og kunnskap om ulike materiale til bruk i bunadproduksjon. Opplæringa skal også medverke til kunnskap om tilverking og bruk av bunader og folkedrakter gjennom ulike tider, i ulike kulturar og tradisjonar. Vidare skal opplæringa stimulere til å sjå samanheng mellom produksjon og marknad.(www.utdanning.no)
Nyttige lenker
Modulplan Bunadopplæringa
Bunadopplæringa - støttelitteratur
Brosjyre Bunadopplæringa
Læreplan bunadtilverkarfaget vg3/opplæring i bedrift
60 filmar som dekker alle kompetansemål i læreplanen:
Bunadtilvirkerfaget — delekunnskap.no
Rapporten Bunad nå! Status 2025 av historikar Mette Vårdal
