Fagdagane i bunad og folkedrakt 2025 – Programmet er klart

Det er ei glede å kunne ønskje velkomen til Lillehammer for to dagar med inspirasjon, interessante foredrag, aktivitetar og festmiddag 14.–15. oktober 2025. Det faglege står i høgsetet på Fagdagane, men det gjer og det sosiale samværet.

Hovudtema i år er skjorter, og vi markerer også utvandrarjubileet Crossings 200.

Seminaret er fullt, men det er framleis mogleg å sette seg på venteliste.

Fargerikt broderi på raudtrøyebunad frå Aust-Telemark. Foto: Mona Husby

Program Fagdagane i bunad og folkedrakt 2025

Tysdag 14. oktober

10.00 Registrering

12.00 Velkomen

12.15 Hovudføredrag: Laurann Gilbertson frå Vesterheim museum i USA, om migrasjon i samlingane (føredrag på engelsk, lysbilete på norsk)

13.45 Kurs (i ulike grupperom) og varemesse

• Enkel uttrekkssaum og austmannarenning v/ Linda Rongve Brunsvik

• Smøyg v/ Kari Anne Pedersen

• Kunststopping og reparasjon av bunadsskjorte v/ Hege Therese Nilsen

• Aggar, taggar og tunger – kanting på hals- og ermelinningar v.Mary Lovise Moen

• Innfelling av skulder-lask/kile/stykke v. Anne Lisbeth Øyseth

• Striping av skjorte, saum til kvarde v. Bodil Enger

• Omvising på Maihaugen i utstillinga «Impulsar»

• Forum/diskusjon – leia av Kjærsti Gangsø. Med Mette Vårdal som presenterer rapporten «Bunad nå».

15.45 Varemesse held fram til 17.45

18.15 Felles fotografering – ta på bunad, festdrakt eller folkedrakt om du vil!

18.30 Festmiddag

Onsdag 15. oktober

09.00 Speaker’s Corner – vil du ha ordet, ta kontakt med camilla.rossing@bunadogfolkedrakt.no

10.00 Kari Anne Pedersen – Telemarkskjorter – impulsar i skjortetradisjonen

10.40 Kaffipause

11.00 Foredrag: Anne Lisbeth Øiseth – Skjorter i folkedraktene, snitt og saum

11.30 Nytt frå arrangørane

12.00 Lunsj

13.00 Laurann Gilbertson frå Vesterheim museum – Bunadbruk i USA i dag (føredrag på engelsk, lysbilete på norsk)

13.40 Mary Louise Moen – Nordmørsskjorter med kvitsaum

14.10 Takk og vel heim

Måndag 13. oktober inviterer Trine Norheim til omvising på Gudbrandsdalen Uldvarefabrik kl. 10.00 og kl. 13.00. Fabrikken er ein tradisjonsrik tekstilprodusent frå Lillehammer, kjend for å levere ullstoff av høg kvalitet til bunader over heile landet. Omvisinga er gratis, og påmelding skjer via e-post til Trine Norheim: trine.norheim@gu.no. Gudbrandsdalen Uldvarefabrik ligg sentralt på Lillehammer, om lag 10 minutt å gå frå skysstasjonen.

Fagdagane er eit samarbeid mellom Noregs Husflidslag, Noregs Ungdomslag, Studieforbundet kultur og tradisjon, Norsk Folkedraktforum og Norsk institutt for bunad og folkedrakt. Fagdagane er for alle som arbeider med, eller er interesserte i, folkedrakt og bunad.

Påmelding