Fagdagane i bunad og folkedrakt 2025 – Påmelding er open!

Velkommen til Lillehammer, der vi i år har skjorter som hovudtema. Vi markerer òg utvandrarjubileet Crossings 200, og har mellom anna invitert ein foredragshaldar heilt frå USA. Kursprogrammet er klart, og påmeldinga er nå open.

Fargerikt broderi på raudtrøyebunad frå Aust-Telemark. Foto: Mona Husby

Praktisk informasjon

Tid: Registrering og ankomst frå kl. 10.00 den 14. oktober. Det offisielle programmet startar kl. 12.00 den 14. oktober og blir avslutta kl. 15.00 den 15. oktober.

Stad: Scandic Lillehammer Hotel, Turisthotelvegen 6, 2609 Lillehammer

Pris:

• kr 4.950 (deltakaravgift, overnatting frå tysdag til onsdag, lunsj og festmiddag tysdag, frukost og lunsj onsdag)

• kr 3.550 (deltakaravgift, lunsj og festmiddag tysdag, lunsj onsdag)

• kr 2.950 (deltakaravgift, lunsj begge dagane)

  
  

Påmelding: 25. juni – 20. september

Fullstendig foredragsprogram, tidsskjema og utfyllande informasjon blir publisert i august.

I år kan deltakarane velje mellom følgande kurs – her gjeld det å vera tidleg ute:

• Enkel uttrekkssaum og austmannarenning v. Linda Rongve Brunsvik

• Smøyg v/ Kari Anne Pedersen

• Kunststoping og reparasjon av bunadsskjorte v. Hege Therese Nilsen

• Aggar, taggar og tunger – kanting på hals- og ermelinningar v. Mary Lovise Moen

• Innfelling av skulderlask/-kile/-stykke v. Anne Lisbeth Øyseth

• Striping av skjorte, saum til kvarte v. Bodil Enger

• Omvising på Maihaugen i utstillinga Impulsar

• Forum/ og diskusjon – leia av Kjærsti Gangsø, som presenterer rapporten Bunad nå

  
  

Påmelding